"Вторенствена идеја", името на нова насока во Демир Капија која ја искачивме на 03.09.2023 со @radenabakov во традиционален стил користејќи френдови и чокови и само еден клин (кој и не е потребен во оваа верзија на насоката), на дел од локалитетот кој спонтано почнавме да го именуваме како Vardar Wall.
Со Раде Набаков, прв пат качувавме заедно во наврска после долги години другарување.
Следните неколку фотографии треба да доловат каде се наоѓа, означено со сина линија во десно.
5 должини, од кои првата и последната качувавме без јаже, малку полесни со оцена III+.
Должината на целата линија е околу 200 метри, можеби до 250, оцената би рекле до / околу IV+, има превис во втората должина, и траверс во третата со можност да се потешки, но треба да се проверат повторно. Одлична квалитетна карпа, супер можности за обезбедување.
Околу клинот - Во насоката имавме обид да искачиме еден драстично потежок дел, каде што заковавме само еден клин, поради ронливост решивме да одстапиме од таа идеја, само тој клин е забиен кој сега е непотребен за оваа верзија од линијата линија, но останува како можност за некое следно качување да се проба потешката варијанта.
Името. Имавме идеја за друга линија, која поради дожд не успеавме да ја пробаме во јули 2023, но овој пат поради краткото време на располагање, решивме да го скратиме пристапот и да влеземе во друга линија, па оттаму името вторенствена идеја :)
