Александар Зарапчиев: #Патрола во зори број 2

Патрола во зори претставува уште една од многуте инцијативи за добар провод на планина. Одење многу рано во мугри да се искачи некој од омилените врвови, некоја планина и да се фати првиот снег, да се заработи некоја линија за скијање, и да се се стигне на време за работа. Да ги растегнеме нашите временски можности, да пркосиме на рутината, да избегаме малку од суровата градска реалност, да му се спротиставиме на системот, да украдеме од златото на змајот, рано во темната ноќ додека сеуште е во цврст сон :).
Иницајтивата, традицијата за оваа авантура на страсни скијачи постои уште одамна во САД. Ланската сезона се случи првата патрола во зори мотивирана од Игор Талевски и еден голем пријател на оваа наша заедница на алпинисти и фрирајдери Matthew Hutcherson. Тешко е да се прави често оваа патрола, туку само понекогаш и во прилика кога ќе го има најдобриот, квалитетен и безбеден снег после невреме со отварање на првиот временски прозорец - добро време после долго паѓање снег. Повеќе е како поздрав на планината, поздрав на доброто време и добриот снег, причина за да се избегне од рутината на секојдневнието и да се пркоси со сета сила на истата.
Втората патрола во зори, (која за мене прва) изгледаше вака:
2:30ам Будење
3:30ам Скопје-Шапка
4:30ам Шапка турно Церипашина
6:50ам Скијање
7:30ам Шапка-Скопје
9:00ам На време за работа
Бевме тројца, Весна и Игор Талевски (кои имаат 100% учинок на патрола во зори и ова им е втора таква :) ) и јас.
За целото доживување можам да кажам дека ми се истакнува на врвот на нешта кои сум ги направил, а сум бил многу пати рано на планина, сум качувал карпи и скијал пред работа и друг пат (без толку рано станување), но некако идењето толку рано за едно пуштање, студот и ноќта, изгрејсонцето на таа висина, полни со енергија која трае долго.

Се надевам на следната патрола се гледаме повеќемина! :)

Уживајте во фото моментите.

Старт 4:30 Попова Шапка

Веќе на висина околку меѓустаница

Почна да наѕџира денот

Видливоста значително подобрена кај крајот на жичарата

Во куќарката кај жичарата на одмор, топол чај и примера за надолу. Ова беше од голема корист зашто времето беше многу студено, и ќе беше сосема поинаку спремањето на опремата надвор.